KORONADAL CITY – INILUNSAD sa bayan ng Polomolok ang B’laan Museum at Weaving Center bilang pagkilala sa mayamang kultura ng B’laan community. Pinangalanang Fu Yabing Weaving Center and B’laan Museum, ito ay ipinatayo bilang pagkilala sa Gawad Manlilikha ng Bayan o GAMABA awardee for Weaving na si Yabing Masalon Dulo.
Tampok din sa naturang pasilidad ang Tabih weaving ng mga B’laan at iba’t ibang B’laan attire at accessories. Ang B’laan Museum and Weaving Center ay makikita sa Sitio Amguo, Barangay Landan.
