Hinirang bilang bagong Department of Tourism Undersecretary si Assistant Secretary for Mindanao Myra Paz Valderrosa-Abubakar.
Nilagadaan ni Pangulong Rodrigo Duterte ang appointment paper ni Valderrosa-Abubakar noong Agosto 3, 2021.
Nitong Biyernes pormal na nanumpa si Valderrosa-Abubakar sa harap ni Tourism Secretary Bernadette Romulo-Puyat via Zoom.
Ito ay kasunod ng pagreretiro ni former Usec. for Tourism Development and Planning Benito Bengzon matapos ang 35-taon na paglilingkod sa pamahalaan.
Nabatid na si Valderrosa-Abubakar ay three-termer City Councilor sa Zamboanga.
Kabilang naman sa mga flagship project niya bilang Tourism Assistant Secretary for Mindanao ay ang ‘Colors of Mindanao’ kung saan nagawa nitong mapagkaisa ang mga lugar at mabuksan ang potential tourism developments sa Mindanao Region.
