Pinaalalahanan ng Department of Labor and Employment ang mga employer at manggagawa na ang no work, no pay policy ay ipapatupad sa Chinese New Year holidays sa Pebrero 9 at 10 na parehong idineklara bilang special non-working days.
Sa inilabas na Labor Advisory 01, series of 2024, pinayuhan ng ahensya ang mga employer na bayaran ang kanilang manggagawa ng tamang remuneration sa nasabing mga araw.
Nakasaad sa kautusan na ang manggagawa na nagtrabaho sa special non-working day ay babayaran ng karagdagang 30% ng kanyang sahod para sa unang walong oras ng kanyang trabaho.
Kapag nag-overtime ang isang empleyado sa araw na iyon ay makatanggap ng karagdagang 30%.
Mababatid na naglabas ang Malacanang ng Proclamation 368, series of 2023 na nagdedeklara sa February 10 bilang karagdagang special non-working day at Proclamation 453, series of 2024 na nagdedeklara sa February 9 bilang karagdagang special non-working day.
Ang Chinese New Year ay ang pagdidiriwang ng pagdidiriwang ng pagsisimula bagong taon sa tradisyunal na lunar calendar.
