Naniniwala ang Department of Justice na isang criminal organization ang nasa likod ng pagpatay kay Negros Oriental Gov. Roel Degamo.
Sinabi ni Justice Secretary Jesus Crispin Remulla, na ang mga masterminds sa pagpatay sa gobernador ay maaaring lider o mga nangungunang tao sa criminal organization na ito.
Ayon pa kay Remulla , sangkot umano ang organisasyon sa maraming pagpatay gayundin sa iligal na pagsusugal at iba pang ilegal na aktibidad sa Negros Oriental.
Sa ngayon, nasa kustodiya na ng mga awtoridad ang 11 suspek na direktang sangkot sa walang habas na pagpatay kay Degamo at walong iba pa.//CA
