Iginagalang ng Department of Justice (DOJ) ang aksyon ng Interpol.
Ito ang sinabi ni DOJ Secretary Jesus Crispin Remulla kaugnay sa imbestigasyon ng International Criminal Court (ICC) hinggil sa madugong war on drugs campaign ng nagdaang administrasyon.
Ayon kay Remulla, ‘We’re not in the business of blocking the Interpol.’
Maaari aniyang mag-request ang ICC sa Interpol para magpatupad ng order.
Samantala, kinumpirma rin nito na mayroong request mula sa ICC prosecutor para interviewhin ang mga high-ranking police officers na ‘under suspicion’ dahil sa naturang kampanya.
Sa kasalukuyan, hindi pa umano nila napapag-usapan ng Pangulo ang anggulo ng Interpol sa imbestigasyon ng international court.
