Hinimok ng Department of Health (DOH) ang mga mga lokal na pamahalan na limitahan ang bilang ng mga walk-ins na tatanggapin bawat araw sa mga COVID-19 vaccination sites, para maiwasan ang overcrowding.
Ayon kay Health Undersecretary Maria Rosario Vergeire, kailangang magset up ng hiwalay na lane para sa walk-ins sa mga vaccination centers.
Matatandaan na nitong linggo nang dagsain ng mga tao ang vaccination sites sa Parañaque at Manila, matapos malaman na ang Pfizer vaccines ang gagamitin.
Ang mahabang pila ang nag-udyok sa DOH na huwag nang ianunsyo sa publiko ang available vaccine brands, sa halip aabisuhan ang recipients kung anung brand ang ituturok sa kanya sa oras na nasa site na ito.
Samantala, sinabi naman ni Dr. Gloria Balboa, DOH regional director for Metro Manila, na ang vaccinations ay kadalasang organisado sa mga lungsod na hindi tumatanggap ng walk-ins. // MHEL PACIA
