PADAYUN nga ginapaningkamutan sa Department of Health kun DOH-12 nga makunhuran ang kaso sa maternal deaths.
Apan giangkon ni Mary Joy Chu, Reproductive Health and Family Planning and GAD coordinator sa DOH-12 nga natural phenomenon ang pagbuntis ug dili usab nila gusto nga may mamatay sa pagpanganak.
Aron malikayan ang mga kumplikasyon sa pagpanganak nga hinungdan sa kamatayon, padayun ang ginahimong programa sa LGU, mga provincial ug city public hospital nga may mga health experts nga mohatag og libreng serbisyo sa mga gabuntis, sama sa libreng natal check up.
Ang natal check up importante sa mga buntis, kung normal anaa sa upat ka pre natal apan kung kinahanglan nga mobalik, buhaton kini aron malikayan ang mga kumplikasyon.
Sa circular ang first delivery ug ikalima nga pagpanganak angayan nga sa health facilities, aron ma-manage kung duna may kumplikasyon. Sa region-12 mas ubos matud pa ni Chu ang maternal deaths, apan ginaawhag kadtong mga anaa sa urban areas, nga sa ospital manganak ug kung sa hilit nga dapit, kung kumadrona may assistance kini sa midwife.
