Dahil umano sa deficiencies sa paggamit ng Department of Health (DOH) sa P67.32 bilyong COVID-19 fund, di nito nagawa ang ilang mga oportunidad para mapaganda ang healthcare system ng bansa sa gitna ng national emergency.
Sa congressional hearing, sinabi ni Commission on Audit (COA) Supervising Auditor Rhodora Ugay na marami sanang nagawa ang DOH sa mga pondo na ibinigay sa kanila para sa COVID-19 response.
Ayon kay Ugay, nagamit sana ang unobligated fund na P11.89 bilyon para sa pagbili ng mga ambulansya, medical equipment at supplies, at personal protective equipment.
Aniya, di maliit ang P11.89 bilyon at malaki ang maitutulong nito sa maayos na paghahatid ng healthcare services.
Mababatid na sa kanilang 2020 report, pinuna ng state auditors ang iba’t-ibang deficiencies, kasama na ang transfer ng P42.41 billion sa partner agencies nang walang memorandum of agreement at iba pang supporting documents, at ang P11.89 bilyong unobligated allotments.
Nanindigan naman ang DOH na naresolba na ang karamihan sa mga major findings sa COA report.
