Mipadayag sa ilang sentimento ang Department of Health Central Visayas kon DOH-7 nga dili pa angayang undangon ang pagrequire sa mga residente sa rehiyon-7 sa pagsul-ob og facemasks isip dugang proteksyon batok sa Covid-19.
Kini ang gibutyag ni Dr. Mary Jean Loreche ang chief Pathologist sa DOH-7 nunot sa gipamahayag sa nasudnong kagamhanan nga posibleng undangon na unya ang paggamit sa facemask sa uwahing bahin ning tuiga kung makaabot na sa endemic state ang nasud.
Sigon ni Loreche nga posibleng moresulta sa dili maayong sangputanan kung dali-dalion ang pagtang-tang sa facemask.
Dugang niya nga angayang ipadayon una ang pagsul-ob og facemasks sa rehiyon hangtud nga makab-ot na niini ang pipila ka mga kondisyon aron masigurong luwas na ang katawhan sa posibleng subli nga pagkuyanap sa virus.
Usa na matud pa nga kinahanglan nga masinati na sa mga taw ang kalamboan homan nga makab-ot na ang 90% nga vaccination rate.
