Miapelar ang Department of Health Regional Office 10 sa mga wala pa nabakunahan nga magpabakuna na tungod sa bahad sa Omicron variant nga dili angay kompiyansaan labi na karong holiday season.
Gibutyag ni DOH-10 Regional Director Dr. Jose Llacuna Jr., nga mas maayong magpabakuna sa mas sayo nga panahon ug kung maka-abot ang panahon nga mahimo nang mudawat sa booster shot mas maayo matud pa.
Kini tungod mas mahimong andam ang lawas sa pakigbatok sa virus ug makalikay sa severe infection.
Dili matud pa muhunong og panawagan ang health sector sa katawhan nga magpabakuna bisan paman maabot na ang herd immunity batok sa coronavirus disease 2019.
