Kinumpirma ng Department of Migrant Workers (DMW) na walang Pilipinong nasaktan sa pagguho ng isang building sa central Jeddah, Saudi Arabia.
Ayon sa ulat ng Migrant Workers’ Office sa Jeddah kay DMW Secretary Hans Leo Cacdac, binista nila ang site at ilang kalapit na ospital upang suriin kung may mga Pilipinong apektado ng sakuna.
Tiniyak naman nila na magpapatuloy sila sa pagbabantay sa sitwasyon at mananatiling nakikipag-ugnayan sa Jeddah police, medical, at emergency services agencies upang masiguro ang kaligtasan ng mga Pilipino sa nasabing lugar.
Hindi bababa sa walo ang naiulat na nailigtas mula sa gumuhong istraktura, na naka-apekto sa 13 apartments sa distrito ng Al-Faisaliah.
