LEGAZPI CITY – Nagin matrayumpo an pagkondusir kan Drum and Lyre Corps Competition kasuudma sa syudad kan Legazpi katakod kan padagos na selebrasyon kan Magayon Festival digdi sa Albay.
Nagtiripon kasuudma an mga partisipantes sa oras na alas 3 nin pagkahapon puon sa may Vel-Amor Subdivision sundo sa Cabangan Elementary School asin nagpuon bandang alas 4 nin hapon.
Nagkaigwa man nin road closure sa manlain-laing mga dalan katakod kan aktibidad.
Mientrastanto, kampeon sa kompetisyon an Naga National High School kan Tiwi na nakaresibe nin P100,000 cash prize.
Nakua man kan Tiwi Agro Industrial School an 3rd place na may P60,000 cash prize, certificate asin trophies, mantang 2nd placer an Donsol National High School kan Donsol, Sorsogon.
Nasa 12 mga eskwelahan sa Bicol Region an nagpartisipar sa kompetisyon.
Photo: Ailyn Beni | FB
