Pansamantalang inalis sa pwesto ang District Fire Marshal ng Maynila na si Senior Superintndent Aristotle Bañaga.
Ito’y matapos ang nangyaring sunog sa isang gusali sa Binondo, Maynila, na ikinasawi ng 11 katao.
Ayon kay Bureau of Fire Protection (BFP) NCR Director Fire Chief Superintendent Nahum Tarroza, pansamantala munang uupo sa pwesto si Fire Senior Superintendent Rodrigo Reyes bilang officer in charge.
Bukod kay Bañaga, na-relieve din sa pwesto si Fire Chief Inspector Dominic Salvacion, na hepe ng Manila Fire Safety Enforcement.
Dagdag pa ni Tarroza, bahagi ito ng mga hakbang upang bigyang daan ang imbestigasyon.
