Sa interview sang Brigada News FM Roxas City kay Mr. Ronald Amigo, pinuno sang CENRO, ginpahayag sini nga problema gid ang pagnilapta sang health care waste sa syudad sang Roxas bangud makatuga ini sang peligro sa mga garbage collector kag sa pumuluyo.
Suno kay Amigo ang kasubong sini nga mga basura ang nagakinahanglan sang ekperto nga magakolekta agud madala sa tama nga halabuyan.
Nagpanugyan man si Amigo sa mga private nurses nga indi pag-ihaboy sang basta-basta ang mga syringe nga ila ginagamit sa ila pasyente kag kun mahimo tipunon ini kag magkoordinar sa mga accredited nga garbage hauler agud mahaboy sa intsakto nga lugar.
