Napasakaan na sang nagakaigo nga panumbungon ang isa ka menor de edad nga lalaki matapos nadakpan nga nagasukbit sang armas luthang samtang nagalibot sa sulod sang merkado sa banwa sang Sigma.
Sa impormasyon nga nakuha sang Brigada News FM Roxas City sa Sigma Municipal Police Station, kaso nga paglapas sa RA 10591 ukon “Comprehensive Firearms and Ammunition Regulation Act” ang ginpasaka sang 16-anyos nga menor.
Nahibaluan nga imbolbado man sa pila ka mga kinawatay ang suspek kag ginapahayag may grupo pa ini. Sa karon, nagapabilin sa kustodiya sang Sigma PNP ang suspek para sa nagakaigo nga disposisyon. | Judy Ann Juare
