LEGAZPI CITY – Posibleng maapektaran asin panluyahon kan divorce an family stability segun sa Diocese of Legazpi.
Ini an saro sa mga nakabugtak sa iniluwas nindang pastoral statement mapadapit sa pag-apruba kan Kamara sa House Bill No. 9349 o an Absolute Divorce Act, kun sain igwa su boot ini ki negatibong epekto sa mga aki asin suway ini sa pigtuturo kan Simbahan manungod sa sanctity and permanence of marriage.
Incosistent man su boot sa Konstitusyon kan Pilipinas magin sa Family Code na nagrerekognisar sa kasal komo inviolable social institution asin permanent union.
Katakod kaini, pig-eenganyar ni Bishop Joel Baylon an mga lehislador na adalan an propwesto asin hilingon an mga alternatibong masuporta sa pagpapakusog kan pamilya.
