-Daina Gerona
KABANKALAN CITY, Negros Occidental — Dead- on-arrival sa Cauayan Distrct Hospital ining magpaka-isa sa gina-alegar duelo sa Prk. 4, Brgy. Masaling, banwa sang Cauayan, tinalikdan nga gab-e.
Kon sa diin ginkilala ang biktima sa kay Saturnino Angel, 42-anyos, samtang ang suspek ang iya lamang sini nga paka-isa nga si Reynaldo Unabia, 35-anyos ang edad kag lunsay mga residente sang nasamnbit nga lugar.
Sa pagpanghusisa sang Brigada News FM-Kabankalan, nag-umpisa ang inaway sa tunga sang suspek nga si Reynaldo Unabia kag ang bayaw sang biktima nga si John Gonzales, kun sa diin sang damlag pa naga-inupdanay na inom sanday Unabia kag Gonzales kag sang nahubog na diri kag nagsugod ang ila nga paglalisanay.
Sa impormasyon naman nga nagikan kay police major Garry Resuma , ang hepe sang Cauayan PNP, nga nag-una pauli si Gonzales agud nga malikaw sa posible nga matabo, ugaling ginsulong pa gid ini ni Unabia, diri na kag nag-intra ang biktimna nga si Saturnino angel.
Katuyu-an kun tani ni Angel agud nga mapahagan-hagan ang problima, ugaling diri siya kag gin-unahan labo ni Unabia rason nga nagbalos ini kag diri na nag-umpisa ang duelo kag naka-angkon sang madamo nga kapilasan.*
