Nagbabala si Interior Secretary Eduardo Año ng mas mahigpit na lockdown ang ipapatupad sa Enhanced Community Quarantine Areas pagdating Agosto 6 hangang a bente.
Ayon kay Año aarestuhin ng mga otoridad ang lalabag sa minimum public health standard na ipinapatupad ng pamahalaan.
Paliwanag ng kalihim magde-deploy ng mga pulis sa iba’t-ibang bahagi ng National Capital Region lalo na sa mga lugar na may mga naitala nang paglabag sa safety protocols at mass gatherings.
Sinabi ni Año, na ang mas mahigpit na measure ay upang mapigilan ang pagkalat ng COVID-19 Delta variant.
Inihayag naman ng Interior Secretary na apat na linggong hard lockdown ang imunungkahi ng mga health experts subalit napagdesisyunan ng pamahalaan na gawin lamang itong dalawang linggo dahil sa impact na posibleng idulot nito sa ekonomiya.
