Tiniyak ng Department of Information and Communications Technology (DICT) na mayroon na silang mga hakbang para matugunan ang na nangyaring alleged breaches kamakailan sa Philippine National Police (PNP).
Ayon sa DICT – mayroon na silang mga nakalatag na containment procedures para rito.
Maalala kasing sa loob lang ng isang linggo ay dalawang sistema ng PNP ang nagkaroon ng hinihinalang pag-atake.
Samantala, sa panayam ng Brigada NewsFM Manila kay Art Samaniego Jr., Tech Editor ng Manila Bulletin, at isang cybersecurity analyst, sinabi niyang mahalagang matiyak na matatag ang cybersecurity ng bawat government agencis.
Bagamat mayroon na kasing mga hakbang ang DICT para matiyak na secure at ‘di mabi-breach ang mga government offices – sinabi ni Samaniego na maiging mayroong isang eksperto sa mga tanggapan ng pamahalaan.
Aminado rin si Samaniego na sa ngayon – kulang na kulang pa ang mga cybersecurity experts sa bansa.
