KORONADAL CITY- UPANG matulungan ang publiko na makapili at makabili ng lehitimong housing properties, ilulunsad ng Department of Human Settlements and Urban Development (DHSUD) Region 12 ang website na DREAMS PH o www.dreams.DHSUD12.ph.
Ayon kay DHUSD 12 Regional Director Jennifer Bretaña na sa pamamagitan nito, makakaiwas ang mga may planong bumili ng bahay at lupa sa mga scammers.
Sa nasabing website, malalaman na kung rehistrado ang bibilhing property o hindi.
Samantala, hinikayat din ng opisyal ang mga mamamayan na huwag basta magbayad ng downpayment o reservation fee sa mga low cost housing unit habang hindi pa nabeberipika sa kanilang tanggapan kung may license to sell ang nagbebenta nito at kung rehistrado ang lupa o pabahay na bibilhin.
