LEGAZPI CITY – Isinairarom sa empathy building, knowledge, skills, attitude (KSA) check asin referral system an mga desk officers sa Camalig, Albay.
Obheto kan aktibidad na masiyerto na gabos na mga frontliner sa barangay, may tama asin bastanteng kaaraman pag-abot sa pagkapot nin mga kaso nin Violence Against Women and their Children asin Online Sexual Abuse or Exploitation of Children nganing masiguro na magin epektibo asin nasa marhay na kamugtakan an mga residente kan banwaan na imbwelto sa siring na insidente.
Parte ini kan nagin tulong aldaw na training session na pinangenotan kan Municipal Social Welfare & Development Office, kun sain kasarabay sa pinag-orolayan an manungod sa anti-child trafficking asin iba pang konektadong batas.
