Malugod na tinatanggap ng gobyerno ng Estados Unidos ang desisyon ng gobyerno ng Pilipinas na makipagkasundo sa China para sa mapayapa at diplomatikong negosasyon hinggil sa isyu sa West Philippine Sea.
Ayon kay US Assistant Secretary of East Asian and Pacific Affairs Daniel Kritenbrink, usapin ito ng soberanya ng Pilipinas.
Ngunit tungkulin aniya ng Amerika na suportahan ang mga kaalyado nitong bansa, at itaguyod ang paggalang sa internnational laws.
Binigyang diin din Kritenbrink ang mga ironclad commitments ng US sa ilalim ng Mutual Defense Treaty.
Kahapon, binigyang diin ni Pangulong Bongbong Marcos sa kanyang SONA na Pilipinas ang nagmamay-ari ng West Philippine Sea at hindi siya susuko sa pag-proteka ng soberanya nito.
