Ipinaliwanag ng Zambales Deped Division Office na wala pang paaralan sa lalawigan ang pumasa sa panuntunan ng Deped at Department of Health para magpatupad ng Pilot face-to-face classes.
Bagamat may mga inirekomenda ang Division Office na mga paaaralan na nasa liblib at malalayong lugar pero pagdating sa risk classification ay hindi pa rin ito pumasa.
Ayon kay OIC Asst. Schools Division Supt. Michelle Mejica, isa sa panuntunan ay dapat zero case sa loob ng 28-araw ang mismong buong bayan at kinakailangan na mayroong concurrence ang Lokal na Pamahalaan.
Matatandaan na nitong Myerkules ay inanunsyo ng Deped Central Office na mayroong 59 na pampublikong paaralan sa buong banasa ang nakapasa sa granular risk assessment ng DOH.
Samantala, nilinaw naman ng kagawaran na kahit magkaroon pa ng pilot face-to-face classes sa isang lugar ay nasa magulang pa rin ang pagpapasya kung papayagan nito ang kanyang anak.//Jen Bayot-BNFM OLONGAPO
