NAGA CITY- Paiigtingin ng Department of Education, Naga City Division ang paglilinis sa mga classrooms lalo pa ngayong tag-ulan.
Sa tala ng Department of Health Center for Health Development (DOH-CHD) Bicol , 398 dengue cases ang nairecord mula Enero 1 hanggang Mayo 21, 2022.
Una nang binanggit sa Brigada News FM Naga ni DOH Camarines Sur Provincial Officer Dr. Rey Millena na dapat mas maging mapagbantay halimbawa sa mga paaralan ngayong may limited face-to-face classes, mas mataas ang exposure ng mga bata sa labas.
Kaugnay nito sinabi ni Naga City DepEd Superintendent Dr. Manny De Guzman na papaalalahan niya ang mga school heads ukol sa kalinisan, hindi lamang sa classrooms kundi sa kani-kanilang opisina.
Wala na ang 5 o’clock habit dahil limitado pa ang oras ng mga lumalahok sa limited face-to-face classes gayunpaman kasama ang pagpapanatili kalinisan sa nasabing sistema.
