Inanunsiyo ng Department of Education na opisyal na magbubukas ang SY 2022-2023 sa August 22, 2022 at magtatapos sa July 7, 2023.
Ayon sa DepEd Order No. 34, s. 2022 magkakaroon ng 203 school days o bilang na maaaring matukoy ng karagdagang issuances sakaling may mga pagbabago sa kalendaryo ng paaralan dahil sa mga hindi inaasahang pangyayari.
Nakasaad din sa naturang kautusan na magsisimula ang enrollment sa July 25 ngayong taon.
Lalarga naman ang Nationwide Brigada Eskwela simula Agosto 1 hangang 26 upang ihanda ang mga paaralan sa muling pagbubukas ng klase.
Inihayag naman ng DepEd na inilabas ang naturang kautusan alinsunod sa pagsisikap nitong maibalik ang 5-day face-to-face classes sa mga paaralan sa bansa.
#
