PRAYORIDAD sa bag-ong labaw sa Department of Education (DepEd) – GenSan ang lakang kalabut sa mental health sa mga estudyante.
Matud ni Isagani Dela Cruz, bag-ong Schools Division Superintendent (SDS) sa DepEd- GenSan, dako ang nahimo sa mga lockdowns ug restriction atol sa pag-igo sa Covid-19 pandemic.
Asa daghang mga magtutungha ang nakapukos sa gadget tungod dili makagawas atong panahon sa balay. Dugang ni Dela Cruz, sa pagtubag sa concern ug mapalig-on ang health program nga himoon, mahimo sila mangayo og tabang sa health expert.
Atong Enero, giaprubahan sa kongreso sa ikaduhang pagbasa ang House Bill 6574 o Basic Education Mental Health and Well-Being Promotion Act.
Magmando kini sa pag-hire og mental health professionals ug pagmugna og mental health offices sa mga tulunghaan. I Richel Gubalani
