BICOL – NANGAPUDAN ngunyan si Department of Education o Deped-Bicol Regional Director Gilbert Sadsad sa mga paratukdo asin empleado kan ahensya na padagos na magkasararo sa tahaw kan mga ipinupukol na tamuyaw sa ahensya.
Basado sa mensahe ni Sadsad, anuman na pasakit o kadipisilan na naeeksperiensyahan kan kadaklan sa panahon ngunyan, dai dapat mawaran nin pagtubod sa Diyos asin magtabangan tanganing matapos na an pandemya.
Apela pa kaini sa mga pag iriba sa serbisyo, ibitaran nang makiaram o mambatikos sa kapwa urog na soboot sa ina kan departamento na si Deped Sec. Leonor Briones.
Sa huri pinasalamatan kaini an mga kapwa educators na udok na ipig atang an saindang oras asin serbisyo para sa pagkakanuod kan mga kabataang Bicolano.
An pahayag na ini kan opisyal iyo an kasunod kan sarong facebook post na ipinaluwas kan Deped Central Offfice na pigkokondenar an soboot bako makahustisyang pagtuyaw asin panraratak ki Sec. Briones.
Soboot an tunay na isyu iyo an ‘virus’. Bako man soboot an ‘modules’ an kalaban kundi an saradong-kaisipan kan mga tao dapit sa pagbabago na hinahagad kan presenteng panahon.
Bako man soboot patas an pagbasol , negatibong kritisismo na igwang kahalong paghuma na nagresulta tanganing mapara asin malingawan na an mga maray na napunan.
Siring man tinawan duon kan ahensya na bako sana an mga trayumpo an nagsisirbi nindang inspirasyon kundi pati an mga tuyaw asin suhestyon na soboot saindang magagamit tanganing mas urog pang mapakarhay an pagserserbisyo.
