LEGAZPI CITY – Bako sana si Vice President asin Department of Education (DEPED) Sec. Sara Duterte an may pabor asin minasugo na haralion an mga dekorasyon sa laog nin classrooms kundi magin an gabos na mga opisyales kan execom.
Huli kaini, pigklaro ni DEPED Bicol Regional Spokesperson Mayflor Jumamil na bako man gabos na dekorasyon an haharalion.
Solamenteng an mga arts works na bako man konektado sa pagtutukdo sa mga estudyante an mga haharalion.
Segun kay Jumamil, magin simple sana dapat, malinig, asin maiwas an lugar kan mga estudyante sa laog kan klasrooms.
Dugang pa kaini, may mga dekorasyon na mawawalat o tutugutan na makakatabang sa pag-aadal kan mga estudyante.
Tinawan-doon kan opisyal, igwang pigsusunod na standard an kada eskwelahan tanganing malinig sa paghiling kan mga estudyante.
Segun pa kay Jumamil, dae man basta-basta mapaluwas nin kasuguan an sarong ahensya kun dae nagkaigwa o dai uminagi sa konsultasyon sa mga opisyales kaini.
