LEGAZPI CITY – Inihayag ng Department of Education (DepEd) Bicol na may mga paaaralan sa ilang lalawigan sa rehiyon na partially at totally damaged dahil sa bagyong Paeng.
Ayon kay Mayflor Jumami mula sa nabanggit na kagawaran, hindi umano oobligahin ang mga paaralang naapektuhan ng bagyo na magsagawa ng kanilang limang araw na in person classes.
Aniya, ang tanging gagawin muna ng mga paaralan ay magsagawa ng blended learning, modular o alternate F2F upang maipagpatuloy ang pag-aaral ng mga mag-aaral.
Nilinaw din nito na ang mga paaralang hindi nagkaroon ng mga pinsala ay maaari nang magsagawa ng kanilang 5 days in person classes. Sinabi ng opisyal na exempted muna ang mga paaralang naapektuhan ng bagyo dahil kinakailangan munang ayusin ito upang muling magamit ng mga guro at mga mag-aaral.
