LEGAZPI CITY – Mas pakusugon kan Department of Environment and Natural Resources (DENR) Bicol an saindang kolaborasyon sa manlaen-laen na mga ahensya kan gobyerno sa rehiyon.
Ini an ipighayag ni DENR Bicol Regional Executive Director Francisco E. Milla, Jr., CESO III, kun sain sinabi kaining bukas subuot an saindang opisinang makipagtabangan sa pagpapautob nin mga batas, programa, asin proyekto basta may kinaaraman sa pagpapakarhay asin pag-ataman sa kapalibotan asin pag-preserbar kan likas na yaman sa Bicol.
Saro sa mga naiiling ni Milla na makakatabang asin may marhay na pakikipag-kolaborasyon an Department of Agriculture (DA) asin Department of Public Works and Highway (DPWH) para man maasigurar na dai nin natural resources na madidistroso kada bes magkakaigwa nin road project o iba pang mga proyekto an nasambit na mga ahensya.
