GIHISGUTAN sa mga miyembro sa IATF, lakip medical association ang sitwasyon sa COVID-19 labi na sa Delta variant.
Segun ni Dr. Fidel Peñamante, presidente sa Philippine Medical Association kun PMA GenSan nga ang unang concern mao ang Delta variant tungod mas peligroso kini ug gisuta kung unsa ang mahimong epekto niini kung moigo sa GenSan ug kasikbit nga probinsya.
Kasamtangan, gibutyag ni Peñamante wala pay Delta variant sa GenSan ug sa region-12 subay sa datos gikan sa DOH.
Apan gihisgutan na sa mga health officials ug medical association ang mga angayang buhaton, unsa ang mga kakulangon sa syudad isip pagpangandam sa maong variant.
Hinuon sa karon, gipakusog pa ang pagpatuman sa mga health protocols ug hugot nga pagtuman sa mga polisiya sa gobyerno batok COVID-19.
