POSITIBO ang mga nangabuhi sa panagat nga mas molambo pa ang industriya kung opisyal na kining madeklara isip ‘Tuna capital’ sa Pilipinas, luyo sa mga pamahayag nga kini ang ‘sunset’ industry na.
Nakita sa usa ka ginang ang sitwasyon sa industriya sa panagat 20 katuig na ang milabay ug alang niya panahon na aron opisyal nang ideklara ang GenSan isip ‘Tuna’ capital of the Philippines,butyag ni Glenda Biana, trabahante sa Fishport. Sa bahin ni Paris Ayon, OIC-port manager sa Fishport complex, panahon na aron opisyal nga madeklara ang siyudad, tungod sa paglambo sa industriya sulod sa 45 katuig.
Asa mokabat sa dako porsyento sa mga residente sa GenSan ang nakaangkla ang pangabuhian sa industriya. Base sa datus sa fishport, misaka sa 1.55% ang delivery sa fresh chilled nga isda samtang naa sa 1.75% ang frozen. Gikan 2018 -2022, misaka sa 257,758 metric tons total fish unloading ang natala sa fishport gikan 247,637 mt atong 2018.
Kahibaloan nga lusot na sa kongreso ang sugyot balaudnon ni GenSan City lone district congressman Loreto ‘Ton’ Acharon ang pagpadeklara sa siyudad isip Tuna capital sa Pilipinas. I Richel Gubalani
