Gipaklaro saDavao City Police Office ang nag viral nga video diin usa ka lalaki ang nadakpan ug gikanayong usa kini ka bomber.
Gibutyag sa DCPO nga usa kini ka sayop nga impormasyon, ang maong lalaki nadakpan human nga nangawat og motorsiklo nga dunay sidecar ug nadakpan kini pinaagi sa gilusad nga hot pursuit operation.
Naila ang suspek nga si Mostafa Alaweg Abobakar, 21, laborer nga taga-Prk9, Marapangi-3, Toril, Davao City.
Gani, gipasakahan na og kaso ang maong dinakpan nga karon anaa sa prisohan sa Toril Police Station.
Gipahinumdoman na lamang sa kapulisan ang publiko nga likayan ang pagpakatag ug mga fake news nga maka-disturbo sa kalinaw sa syudad.
Gipahimangnuan ang publiko nga duna kini tugbang nga silot ilalom sa Philippine law.
Nagsilbi kini nga pasidaan batok sa malisyosong pagpakatap sa sayop nga impormasyon, tinuyo man o dili.
