Sa presuhan ro bagsak it daywa ka mga babaye sa illegal nga pagpataya sa “peryahan ng bayan” nga bukon it otorisado it Philippine Charity Sweepstakes Office (PCSO) sa Brgy. Caticlan, Malay, Aklan.
Ginkilaea ro mga persona nga kanday Cherry Mae Delos Santos, 30-anyos residente it Brgy. Unidos, Nabas ag Shaina Wenlien Tenorio, 20-anyos, it Brgy. Andagao, Kalibo.
Nabuoe sa daywa ro (1) cotejo, pera, 1 bundle it stub cotejo, ballpen, notebook, calculator ag (1) Philhealth I.D.
Sa presente, sa kustodiya eun it Malay PNP ro mga suspect nga nagapangatubang sa kasong pag-eapas sa PD. 1602 o Illegal Gambling./JIL B. LACSON
