Nakapreso makara ro sambilog sa daywa ka mga suspect sa paghilumos it sangka 26-anyos nga babaye sa Barangay Tumcon Ilawod, Pototan, Iloilo ku Setyembre 1.
Base kay Police Corporal April Grace Pahilangca it Pototan Police Station, ro mga suspect hay na-identify nga sambilog ka 45-anyos ag 60-anyos nga mga eaeaki.
Dugang pa ni Pahilangca, natabo ro krimen sa sambilog ka birthday party ag nakainuman segun it biktima ro daywa ka eaeaki.
Base pa sa pahayag it biktima ginsundan imaw it 60-anyos nga eaeaki sa banyo ag idto ginhimuslan. Matapos kara, nagsueod man ro 45-anyos para himu-on ro krimen.
Sa presente, padayon nga ginausoy ro 45 anyos nga eaeaki samtang nakapreso ag ginakasuhan ro 60 anyos nga suspect./JIL B. LACSON
