Kanselado eon ro pagpatigayun it Ati-Atihan bazaar ag Food Festival nga kaeakip kunta sa mga aktibidad nga ginaabangan sa nagahilapit nga selebrasyon it Senior Sto. Niño de Kalibo Ati-Atihan Festival 2022.
Ginpakamayad it LGU Kalibo nga ikansela ro nasambit nga mga aktibidad bangud man sa pagtaas it kaso it Covid-19.
Matandaan nga ro nasambit nga mga aktibidad hay pirmeng ginadagsa it tawo rasun nga indi eon lang raya pagpadayunon para man sa safety it publiko. / ANN DESLENE SALAZAR
