Umaasa si dating senador JV Ejercito na makababalik ito sa Senado sa pamamagitan ng 2022 elections, o tatlong taon matapos ang nabigo nitong reelection bid.
Sa isang media forum ay sinabi ni Ejercito na isusulong niya nag mas mabuting health care system at infrastructure development sa Pilipinas.
Ipinunto rin niya na kailangan maprayoridad at maimplementa ng maayos ang Universal Health Care, na makokonsidera pa rin bilang work in progress.
Mababatid na si Ejercito ang author ng UHC Bill sa Senado, kung saan ay ineenrol nito ang lahat ng mga Pilipino sa National Health Insurance Program.
Samantala, ipinaliwanag naman ni Ejercito, na kasalukuyang miyembro ng Nationalist People’s Coalition, na naging bahagi ng kaniyang desisyon ang pagkakasama niya sa line-up ng iba’t-ibang political parties.
