Sa presuhan ro bagsak it sambilog ka dati nga entertainer sa Japan nga ginkilaea nga si Divine Grace Pagot, 38-anyos matapos madakpan it ginabawae nga bueong.
Nadakop ro persona sa ginhiwat nga drug buy bust operation it ginbieog nga pwersa it City Drug Enforcement Unit ag Molo Police sa Brgy. West Habog-habog, Molo, Iloilo.
Nabakean si Pagot it sambilog ka sachet it suspected shabu nga nagabalor sa P9,600.
maliban pa kara, nabuoe man sa ana ro 10 sachets it ilegal nga droga nga nagaabot sa 10 gramos ag nagabalor it P102,000.
Base pa sa imbestigasyon it CDEU, nauna eun nga nadakop si Pagot sa drug buy bust operation ku nagtaliwan nga buean kaibahan ro anang live-in partner, pero nakaguwa man raya sa presuhan bangud sa plea bargaining./JIL B. LACSON
