LEGAZPI CITY – Hindi nakapagtala ng pagkasawi o casualty ang bayan ng Daraga, Albay kaugnay ng nagdaang bagyong Paeng nito lamang Sabado, Olktubre 29, ayon sa datos ng Municipal Disaster Risk Reduction and Management Council (MDRRMC) ng nasabing bayan.
Sa tala ng tanggapan, hindi umano nagkaroon ng residenteng nasugatan, nasaktan o anumang insidente dahil sa bagyo.
Maliban dito, passable ang lahat ng major at interior roads, ngunit nagkaroon naman ng report ng pagtaas ng tubig. Samantala, 1,452 na nga pamilya o 5,751 katao ang nailikas sa evacuation centers dahil sa nabanggit na bagyo.
Nagpapasalamat naman ang alkalde nitong si Awin Baldo sa ilang mga yunit tulad ng MDRRMC, MDRRMO, MSWDO at iba pa dahil sa tulong at mga responde nito na maabot ang layuning zero-casualty.
