Matapos nga malakip sa 87 ka Mayors sa bilog nga Pilipinas nga nakapasar sa 2022 Child-Friendly Local Governance Audit, liwat nga nahatagan sang oportunidad si Mayor Jose Jimbo Barruela nga makapasakop sa Mayors for good governance seminar sa Metro Manila.
Gintalakay sa nasambit nga seminar ang National budget digitalization kag kun paano pakigbatuan ang korapsiyon sa lokal nga tagdumalahan.
Pinaagi sini, nahatagan sang dugang nga kinaalam ang nasambit nga alkalde kun paano pa gid ipatuman sang maayo ang mga programa sang gobyerno mapa-national man ukon lokal.
Nagpirma man sa isa ka manifesto ang alkalde para ipakita ang iya sinsero nga commitment sa pagkontra sa korapsyon.
Lakip man diri ang pagpasiguro sang maayo nga implementasyon sang programa nga direkta nga makabulig sa pumuluyo. | Judy Ann Juare
