SORSOGON CITY – Kasado na ngayong araw at bukas, Abril 26 ang gagawing dalawang araw na ‘Special Vaccination Days.’
Ang dalawang araw na bakunahan ay sabayang isasagawa sa 6 na probinsya sa rehiyon.
May layunin itong mas lalo pang mapataas ang vacination rate at coverage ng bawat lalawigan para makamit ang target na herd community.
Sa lalawigan ng Sorsogon, as of April 21, ay kulang na lang ng 1% at mapapabilang na ito sa Alert Level 1, kung kaya’t hinihikayat ng Provincial Health Office (PHO) ang lahat ng mamamayan na makilahok sa ikakasang dalawang araw na bakunahan.
Sa nagnanais na magpabakuna, mangyaring makipag-ugnayan lamang sa kani-kanilang LGUs upang malaman ang vaccination sites sa kanilang lugar.
Ang 2-day Special vaccination Day ay may temang ‘’Basta Bikolano, Bakunado, Protektado!”
