GISUGDAN na karon ang pagtrabaho sa dalan sa Purok 6, Talairon, kaniadtong nakalabay’ng adlaw.
Gipangunahan sa Oroquieta City Mayor nga Lemuel Meyrick Acosta, inubanan sa Talairon Barangay Kapitan nga si Carlito Selim, ug ang mga Barangay Council, ang pagpangusog nga maugmad gilayon ang naasoy nga dalan.
Matud pa nga anaa sa tulo (3) ka milyon pesos ang gigahin para sa pagpaayo sa dalan, diin 265 metros ang ikongkreto niini, apil na ang dalan sa Tul-an paingon sa Buntawan.
Mapasalamaton ang mga lumolopyo sa naasoy nga lugar, ug kasikbit nga barangay niini sama sa Barangay Dolipos Bajo, Dolipos Alto, ug sa Barangay Dullan ug ang Barangay Buntawan, tungod kay mao kini ang agiana paingon sa mga nasangpit nga mga dapit.(Joel Omapas)
