May kamatuuran gid man ro mga kataga nga “Oh, pag-ibig na makapangrayihan, hahamakin ang lahat, masunod ka lamang”.
Raya ro ginpamatud-an it 15 anyos nga dalagita sa India matapos magpa-inject it dugo it anang nobyo nga positibo sa kamaeatay nga human immunodeficiency virus (HIV) para eamang sa ngaean it paghigugma.
Agud mapakita ro hantop nga paghigugma sa anang boyfriend, nagdesisyon ro uwa ginpangeanan nga dalagita halin sa Assam state nga magpa-inject it dugo it HIV positive nga boyfriend.
Nasayuran nga tatlong dag-on eun nga magkarelasyon ro magnobyo nga nagkakilaea eamang sa Facebook.
Maliban pa dikara, ro anang boyfriend nga halin sa Hajo hay pilang beses eun nga naghana nga itanan ro menor de edad pero na-track gihapon it pamilya it babaye ro anang lokasyon.
Bilang kabaylo sa pagsusumikap it anang nobyo nga mag-iba sanda, naghimo it kakilibot nga desisyon ro dalagita para eamang maipakita ro pagpalangga nana sa nobyo.
Sa presente, ginasubaybayan it mga eksperto ro ikaayong eawas it dalagita samtang nakapreso man ro boyfriend nana ag nagahueat sa kaso nga ipasaka kuntra kana./JIL B. LACSON
