Mas pabaskugon pa it bag-ong pungko nga Police Regional Office (PRO 6) director ro kampanya kuntra sa mga illegal nga droga ag iban pa nga mga kriminalidad sa bieog nga Western Visayas.
Base sa pahayag ni PRO 6 Director Police Brigadier General Leo Francisco sa turn-over ceremony kahapon, ro focus nanda hay ro tanan nga mga campaigns partikular eun sa mga wanted persons, illegal drugs, loose firearms ag ro collaboration sa Armed Forces of the Philippines kuntra sa mga terorsitang grupo.
Maliban pa dikara, mas pabaskugon man ni Francisco ro internal cleansing sa hanay it kapulisan sa Region 6.
Pagsapinal pa it bag-ong PRO 6 director, strikto imaw pag-abot sa trabaho bangud para kana ginabayran sanda it gobyerno it mataas nga sweldo para magtrabaho ag bawae ro magbulakbol./JIL B. LACSON
