Sugatan ang dalawang lalaki na sina Jose Ordaniel Hisugan Jr. 34 anyos , Boat Captain at si Jesser Aurino Condesa,30 matapos saksakin alas- otso y medya kagabi, July 18, 2022 sa Purok Honda Bay, Brgy. Sta. Lourdes, Puerto Princesa City.
Ang suspek ay si Michael Ogaya Herrera, 26 anyos , pawang mga residente sa Honda Bay, Barangay Sta. Lourdes.
Sa imbestigasyon ng Police Station 2, bago ang krimen, ayon kay Jose habang nasa pagamutan kahapon bandang alas-singko ay niyaya nyang uminom ang bayaw (suspek) pero pagkatapos nilang uminom ay napagtalunan nila ang tungkol sa relasyon niya sa kapatid na babae ng suspek.
Umuwi umano ang suspek at binalikan ang biktima na patuloy sa pag-iinum at sinaksak si Jesser A. Condesa bago isinunod si Jose.
Ang suspek ay agad na naaresto ng mga tanod at narekober sa kanya ang isang kutsilyo.
