Inanunsiyo ng Toll Regulatory Board na may dagdag-singil sa South Luzon Expressway (SLEX) at Muntinlupa–Cavite Expressway (MCX) simula November 3.
Ayon sa pamunuan ng SLEX, ang mga motoristang bumabiyahe mula Alabang papuntang Calamba ay may karagdagang P10.00 para sa Class 1; P20.00 sa Class 2 at P30.00 naman sa Class 3.
Habang mula Calamba hanggang Sto. Tomas, Batangas ay may umento na P4.00 sa Class 1; P6.00 sa Class 2; at P8.00 naman sa Class 3.
Samantala, sisingilin naman ng dagdag P1 hanggang P3 ang mga motoirstang dadaan sa MCX toll gates.
