Dagdag-bawas sa presyo ng mga produktong petrolyo ang buena manong sasalubong sa mga motorista ngayong Nobyembre.
Ayon kay Department of Energy – Oil Industry Management Bureau (DOE-OIMB) director Rodela Romero – maglalaro sa P0.40 hanggang P0.70 kada litro ang posibleng matapyas sa kada litro ng gasolina.
Sa kerosene – may tinatayang umento mula P0.10 hanggang P0.20 kada litro.
Samantala, maari namang matapyasan ng P0.20, ‘o walang pagbabago sa presyo ng diesel.
Sa kabila nito – may natitia pang isang trading day at maaari pa ‘yang mabago.
Araw ng Lunes ia-anunsyo ang opisyal na price adjustment, habang magiging epektibo naman ito sa Martes.
