CAMARINES NORTE – Naka-avail ng libreng LET Review ang daan-daang fresh graduates sa Camarines Norte matapos maglunsad ang Provincial Youth Development Office ng libreng LET review para sa lahat ng Bachelor of Education Graduates.
Inilunsad ang pinaka-unang session nito noong Hulyo 15, 2023, at regular na gaganapin tuwing weekend hanggang Setyembre 17, 2023, sa Agro Sports Complex, Provincial Capitol, Daet, Camarines Norte.
Bukod sa reviewer ay may kalakip ding home identification Card, T-shirt, school supplies, at libreng meryenda ang nasabing kaganapan kasama ang kaalaman, adhikain, at tapang na magagamit nila sa buong paglalakbay nila.
Ang aktibidad na ito umano ay inisyatiba ng Provincial Youth Development Office para sa pagpapalakas ng mga kabataan saa pamamagitan ng pamumuno ng kasalukuyang administrasyon.
