Ro kada sipi it bugas nga nauyang hay pwede pa nga makatao it pagkaon sa kada pamilya nga naga-agi it kagutuman, raya ro naging pahayag it Department of Agriculture (DA).
Ginkumbinse it taeatapan ro mga residente it Western Visayas nga maging responsable nga manugbakae it bugas agud malikawan ro uyang.
Base sa datos it Philippine Statistics Authority (PSA), ro daily average it nauyang nga bugas hay indi magnaba sa siyam ka gramo kada tawo.
Gin-advisan it taeatapan ro publiko nga tantiyahon it mayad ro eahaon nga bugas agud masiguro nga maubos raya.
Ro buean it Nobyembre hay National Rice Awareness Month (NRAM). Ro selebrasyon makarang dag-on hay may tema nga “Be RICEponsibly healthy.”
Ginaselbrar man makara ro Rice Awareness Month bilang pagkilaea sa mga mangunguma./JIL B. LACSON
