LEGAZPI CITY – Tinawan doon kan Department of Agriculture (DA) Bicol an nagkapirang mga lakdang para maibitaran an pagkakaigwa nin helang sa mga pananom sa rehiyon.
Segun sa OIC Chief kan DA Integrated Laboratories Division na si Anacleto Esplana, kaipohan subuot na mas atab na pag-report sainda an mga Municipal Agricultural Office, en kaso igwa nin mapansin na kakaiba sa mga tanom siring kan mga peste nganing an mga ini matawan nin mas atab na interbensyon sa Regional Crop Protection Center, para man mahiling subuot digdi kun ano dahilan o kawsa kan problema.
Sinabi pa ni Esplana na igwa subuot an saindang opisina nin apat na laboratories na sindang nagtututok sa manlaen-laen na mga sangay nin agrikultura sa rehiyon, kun sain prayoridad subuot ninda na matawan nin mga serbisyo an mga lokal na paraoma, siring kan pagsigurar na maray an kalidad kan feed kan mga hayop, daga, asin pataba na piggagamit kan mga ini.
